ലോകത്തിനായി ഒരു രക്ഷകന് പിറക്കും എന്നുള്ള ദൈവികമായ അരുളപ്പാടിന്റെ ഓര്മത്തിരുനാളാണ് മംഗളവാര്ത്ത. ലൂക്കായുടെ സുവിശേഷം 1 ാം അധ്യായം 26 മുതലുള്ള വചനങ്ങളില് വായിക്കുന്നതു പോലെ പ്രപഞ്ചത്തിനു മുഴുവനും മംഗളമരുളുന്ന വാര്ത്ത ദൈവദൂതനായ ഗബ്രിയേല് വഴി മറിയത്തെ അറിയിക്കുന്ന സുന്ദരമുഹൂര്ത്തമാണിത്. ദൈവത്തിന്റെ രക്ഷാകര പദ്ധതിയില് മറിയത്തിന് സുപ്രധാനമായി പങ്കുണ്ട്. മറിയം ദൈവപുത്രന്റെ മനുഷ്യാവതാരത്തില് നിര്ണായകമായ ഉപകരണമായി മാറി. ഏഡി നാലോ അഞ്ചോ നൂറ്റാണ്ടുകളിലാണ് മംഗളവാര്ത്ത തിരുനാള് ആദ്യമായി സഭയില് ആഘോഷിക്കപ്പെട്ടത്.
