283-ൽ ധനികരും കുലീനരുമായ മാതാപിതാക്കൾക്കാണ് ലൂസി ജനിച്ചത്. അവളുടെ പിതാവ് റോമൻ വംശജനായിരുന്നു. അവൾക്ക് അഞ്ച് വയസ്സുള്ളപ്പോൾ പിതാവ് മരണമടഞ്ഞു. പിന്നീട് ഗ്രീക്ക് വംശജയായ അമ്മ യുടിച്ചിയയുടെ സംരക്ഷണത്തിൽ ആണ് ലൂസി വളർന്നത്. ആദ്യകാല രക്തസാക്ഷികളിൽ പലരെയും പോലെ, ലൂസി തൻ്റെ കന്യകാത്വം ദൈവത്തിന് സമർപ്പിച്ചു.
അവളുടെ സ്ത്രീധനം പാവപ്പെട്ടവർക്ക് വിതരണം ചെയ്യുമെന്ന് അവൾ പ്രതീക്ഷിച്ചു. എന്നിരുന്നാലും, ലൂസിയുടെ വാഗ്ദാനത്തെക്കുറിച്ച് അറിയാതെ, രക്തസ്രാവം മൂലം ബുദ്ധിമുട്ടുന്ന യുടിച്ചിയ, ലൂസിയുടെ ഭാവിയെക്കുറിച്ച് ഭയപ്പെട്ടു. ഒരു സമ്പന്ന പുറജാതീയ കുടുംബത്തിലെ ഒരു യുവാവുമായി അവൾ ലൂസിയുടെ വിവാഹം നിശ്ചയിച്ചു.
വിശുദ്ധ അഗത സ്വപ്നത്തിൽ ലൂസിയുടെ അടുക്കൽ വന്ന് അവളുടെ വിശ്വാസം നിമിത്തം അവളുടെ അമ്മ സുഖം പ്രാപിക്കുമെന്നും പറഞ്ഞു. മകള്‍ ലൂസിയുടെ നിര്‍ബന്ധത്താലാണ്, അമ്പതു മൈല്‍ അകലെയുള്ള കറ്റാനിയായില്‍ വി. അഗത്തായുടെ കബറിടത്തിങ്കല്‍ പോയി പ്രാര്‍ത്ഥിക്കാന്‍ യുടിച്ചിയ സമ്മതിച്ചത്.
ഏതായാലും അത്ഭുതകരമായി യുടിച്ചിയ പൂര്‍ണ്ണമായും രോഗമുക്തയായി. അതോടെ, അവരുടെ സ്വത്തിന്റെ നല്ലഭാഗം പാവങ്ങള്‍ക്കു വിതരണം ചെയ്യണമെന്നുള്ള ലൂസിയുടെ ആഗ്രഹം ആ അമ്മ സാധിച്ചുകൊടുത്തു.
പക്ഷേ, അവരുടെ സ്വത്തില്‍ കണ്ണും നട്ടിരുന്ന, ലൂസിയുടെ ഭാവിവരന്‍ അവള്‍ ക്രിസ്ത്യാനിയാണെന്ന് പറഞ്ഞ് അവളെ സിസിലിയുടെ ഗവര്‍ണര്‍ക്ക് ഒറ്റിക്കൊടുത്തു. ഡയക്ലീഷ്യന്റെ ക്രൂരമായ മതപീഡനം നടക്കുന്ന കാലമായിരുന്നു അത്.
ഐക്യവും ദേശഭക്തിയും നിലനില്‍ക്കാന്‍ എല്ലാവരും റോമന്‍ ദേവന്മാരെ ആരാധിക്കേണ്ടത് ആവശ്യമാണെന്നായിരുന്നു ചക്രവര്‍ത്തിയുടെ ധാരണ.
അതുകൊണ്ട് തന്റെ സാമ്രാജ്യത്തിന്റെ ശക്തി വര്‍ദ്ധിക്കാന്‍ ഒന്നുകില്‍, ക്രിസ്ത്യാനികള്‍ വിശ്വാസം ഉപേക്ഷിക്കണം അല്ലെങ്കില്‍ അവര്‍ നശിക്കണം.
ഒരുപക്ഷേ, ആ ക്രിസ്ത്യാനികളെല്ലാം നല്ല ദേശഭക്തരായിരുന്നെങ്കിലും ചക്രവര്‍ത്തി അതു കണക്കിലെടുത്തില്ല. തന്റെ തീരുമാനത്തില്‍ ഉറച്ചുനിന്ന ലൂസി ഭീകരമായ പീഡനത്തിന് ഇരയായി. ആദ്യം അവളെ ഒരു വേശ്യാലയത്തിലാക്കി.
അവളുടെ ചാരിത്ര്യം നശിപ്പിക്കപ്പെടണമെന്നായിരുന്നു ചക്രവര്‍ത്തിയുടെ ഉദ്ദേശ്യം. പക്ഷേ, അത്ഭുതകരമായി അവളെ ദൈവം രക്ഷിച്ചു. പിന്നീട് തീച്ചൂളയില്‍ ചുട്ടു കൊല്ലാനായിരുന്നു കല്പന. പക്ഷേ, അഗ്നി അവളെ സ്പര്‍ശിച്ചതേയില്ല. അവസാനം ഒരു വാള്‍ കഴുത്തില്‍ കുത്തിയിറക്കി അവര്‍ ലൂസിയെ വധിച്ചു. 304 ഡിസംബര്‍ 13-നായിരുന്നു അത്. ഡിസംബർ 13 വിശുദ്ധ ലൂസിയുടെ തിരുനാൾ ആഘോഷിക്കുന്നു.
