ദൈവകരുണയുടെ നൊവേന: ഒൻപതാം ദിവസം…

പിതാവിനും പുത്രനും പരിശുധാത്മാവിനും സ്തുതി
ആദിയിലെപോലെ ഇപ്പോഴും ഇപ്പോഴും എന്നേക്കും ആമേൻ

നമുക്കീശോയുടെ വാക്കുകൾ ശ്രവിക്കാം

“മന്ദതയിൽ നിപതിച്ച ആത്മാക്കളെ ഇന്ന് എന്റെ അടുക്കൽ കൊ ണ്ടുവരിക. എന്റെ കരുണക്കടലിൽ അവരെ മുക്കിയെടുക്കുക. എന്റെ ഹൃദയ ത്തെ വളരെ വേദനാജനകമായി അവർ മുറിവേല്പിക്കുന്നു. ഒലിവ് തോട്ടത്തിൽ വച്ച് എന്റെ ഹൃദയം തീവ്രവേദനയിൽ വലഞ്ഞത് മന്ദഹൃദയരെ പ്രതിയാ ണ്.”അങ്ങ് തിരുമനസ്സാകുന്നുവെങ്കിൽ ഈ പാനപാത്രം എന്നിൽനിന്നകറ്റണമേ എന്നു ഞാൻ പ്രാർഥിച്ചു പോയത് അവർ മൂലമാണ്. എന്റെ കാരുണ്യത്തിലേക്ക് ഓടിയെത്തുകയാണ് അവർക്കുളള അവസാനത്തെ പ്രതീക്ഷ.
(ഖണ്ഡിക 1228)

നിയോഗം : മന്ദത ബാധിച്ച ആത്മാക്കളുടെ രക്ഷയ്ക്കായും അവർ ഈശോയുടെ കരുണ യിൽ നിറയപ്പെട്ട് ആത്മാവിന്റെ വരദാനഫലങ്ങളാൽ പൂരിതരാകുന്നതിനുവേണ്ടി പ്രാർഥിക്കാം (ഒപ്പം നമ്മുടെ വ്യക്തിപരമായ നിയോഗവും സമർപ്പിക്കാം )

ഏറ്റവും കരുണാർദ്രനായ ഈശോയെ! അങ്ങു കാരുണ്യം തന്നെയാകുന്നു. അങ്ങ യുടെ കനിവു നിറഞ്ഞ ഹൃദയത്തിലേക്ക് മന്ദത ബാധിച്ച ആത്മാക്കളെ ഞാൻ കൊണ്ടുവരു ന്നു. ജീവനറ്റ ശരീരങ്ങളെപ്പോലെ ആറിത്തണുത്ത ഈ ആത്മാക്കളെ അങ്ങയുടെ സ്നേഹാ ഗ്നി ജ്വാലയാൽ ഒരിക്കൽക്കൂടി എരിയിക്കണമേ. ഏറ്റവും കാരുണ്യമുളള ഈശോയെ അങ്ങ യുടെ കാരുണ്യത്തിന്റെ മഹനീയശക്തി ഇവരിൽ പ്രവർത്തിപ്പിക്കണമേ.അങ്ങയുടെ സ്നേ ഹ തീഷ്ണതയിലേക്ക് ഇവരെ ആനയിക്കണമേ. പരിശുദ്ധമായ സ്നേഹത്തിന്റെ ദാനം അവ രിൽ ചൊരിയണമേ.എന്തെന്നാൽ യാതൊന്നും അങ്ങയുടെ ശക്തിക്ക് അതീതമല്ലല്ലോ.

നിത്യനായപിതാവേ! ഏറ്റവും ദയയുളള ഈശോയുടെ തിരുഹൃദയത്തിൽ സ്ഥാന മുളള മന്ദത ബാധിച്ച ഈ ആത്മാക്കളുടെ മേൽ അങ്ങയുടെ ദയാദൃഷ്ടി പതിപ്പിക്കണമേ. കാരുണ്യത്തിന്റെ പിതാവേ അങ്ങേ പുത്രന്റെ കയ്പ്പേറിയ പീഢകളെ പ്രതിയും കുരിശിലെ മൂ ന്നുമണിക്കൂർ സമയത്തെ സഹനത്തെപ്രതിയും ഞാനങ്ങയോട് യാചിക്കുന്നു. അവരും അ ങ്ങയുടെ അഗാധ കാരുണ്യത്തെ മഹത്വപ്പെടുത്തുവാനിടയാകട്ടെ. ആമ്മേൻ.

1 സ്വര്‍ഗ്ഗ.
1 നന്മ നിറഞ്ഞ.
1 വിശ്വാസപ്രമാണം

വലിയ മണികളിൽ:

നിത്യപിതാവേ, ഞങ്ങളുടെയും ലോകം മുഴുവന്റെയും പാപപരിഹാരത്തിനായി അങ്ങയുടെ ഏറ്റം വത്സലസുതനും ഞങ്ങളുടെ കർത്താവുമായ ഈശോമിശിഹായുടെ തിരുശരീരവും തിരുരക്തവും ആത്മാവും ദൈവത്വവും അങ്ങേയ്‌ക്ക് ഞാന്‍ സമർപ്പിക്കുന്നു. (1 പ്രാവശ്യം)

ചെറിയ മണികളില്‍:

ഈശോയുടെ അതിദാരുണമായ പീഡാസഹനത്തെപ്രതി,
ഞങ്ങളുടെമേലും ലോകം മുഴുവന്റെമേലും കരുണയായിരിക്കണമേ.. (10 പ്രാവശ്യം)

അഞ്ചു ദശകങ്ങൾ കഴിയുമ്പോൾ:

പരിശുദ്ധനായ ദൈവമേ, പരിശുദ്ധനായ ബലവാനേ, പരിശുദ്ധനായ അമര്‍ത്യനേ,

ഞങ്ങളുടെമേലും ലോകം മുഴുവന്റെമേലും കരുണയായിരിക്കണമേ… (3 പ്രാവശ്യം)

ലുത്തിനിയ:

(ദൈവകാരുണ്യത്തിന്റെ സ്തുതിപ്പുകൾ-ഖണ്ഡിക 356 &949)

കർത്താവെ ഞങ്ങളുടെ മേൽ കരുണയുണ്ടാകണമേ
കർത്താവെ ഞങ്ങളുടെ മേൽ കരുണയുണ്ടാകണമേ
മിശിഹായെ, ഞങ്ങളുടെ മേൽ കരുണയുണ്ടാകണമേ
മിശിഹായെ, ഞങ്ങളുടെ മേൽ കരുണയുണ്ടാകണമേ

കർത്താവെ ഞങ്ങളുടെ മേൽ കരുണയുണ്ടാകണമേ
കർത്താവെ ഞങ്ങളുടെ മേൽ കരുണയുണ്ടാകണമേ
മിശിഹായെ ഞങ്ങളുടെ പ്രാർത്ഥന കേൾക്കണമേ
മിശിഹായെ ഞങ്ങളുടെ പ്രാർത്ഥന കേൾക്കണമേ

മിശിഹായെ ദയാപൂർവ്വം ഞങ്ങളുടെ പ്രാർത്ഥന കേൾക്കണമേ
മിശിഹായെ ദയാപൂർവ്വം ഞങ്ങളുടെ പ്രാർത്ഥന കേൾക്കണമേ

സ്വർഗീയ പിതാവായ ദൈവമേ
ഞങ്ങളുടെ മേൽ കരുണയുണ്ടാകണമേ
പുത്രനായ ദൈവമേ, ലോകത്തിന്റെ വിമോചകാ
ഞങ്ങളുടെ മേൽ കരുണയുണ്ടാകണമേ

പരിശുദ്ധാത്മായ ദൈവമേ
ഞങ്ങളുടെ മേൽ കരുണയുണ്ടാകണമേ
പിതാവിന്റെ മടിയിൽ നിന്നും പുറപ്പെടുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ദൈവത്തിന്റെ ഏറ്റവും വലിയ വിശേഷണമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
മനസ്സിലാക്കാനാവാത്ത മഹാ രഹസ്യമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

പരിശുദ്ധ ത്രിത്വത്തിന്റെ രഹസ്യത്തിൽ നിന്നും പുറപ്പെടുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
മാനുഷികമോ അമാനുഷികമോ ആയ ബുദ്ധിക്കു അളക്കാനാവാത്ത ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

എല്ലാ ജീവനും സന്തോഷവും പുറപ്പെടുന്ന ഉറവയായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
സ്വർഗത്തേക്കാൾ മഹനീയമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

അത്ഭുതങ്ങളുടെയും വിസ്മയങ്ങളുടെയും ഉറവിടമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
പ്രപഞ്ചത്തെ മുഴുവൻ ഉൾക്കൊള്ളുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

മാംസം ധരിച്ചു വചനത്തിലൂടെ ഭൂമിയിലേക്ക്‌ ഇറങ്ങി വന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
ഈശോയുടെ തുറക്കപ്പെട്ട ഹൃദയത്തിൽ നിന്നും ഒഴുകിയിറങ്ങിയ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ഈശോയുടെ ഹൃദയത്തിൽ ഞങ്ങൾക്കായി ഉൾക്കൊണ്ടിരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
വിശുദ്ധ കുർബാനയിൽ അടങ്ങിയിരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

പരിശുദ്ധ സഭയുടെ സ്ഥാപനത്തിൽ അടങ്ങിയിരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
മാമ്മോദീസ്സായിൽ അടങ്ങിയിരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ഈശോയിലുള്ള ഞങ്ങളുടെ നീതികരണമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
ജീവിതം മുഴുവൻ ഞങ്ങളെ അനുഗമിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

പ്രത്യേകമായി മരണ സമയത്ത് ഞങ്ങളെ ആശ്ലേഷിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
അമർത്യത നൽകി ഞങ്ങളെ ശക്തരാക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ഞങ്ങളുടെ ജീവിതത്തിന്റെ ഓരോ നിമിഷങ്ങളിലും ഞങ്ങളെ അനുഗമിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
നരകത്തിന്റെ തീയിൽ നിന്നും ഞങ്ങളെ സംരക്ഷിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

കഠിന പാപികളുടെ മനസ്സാന്തരത്തിൽ പ്രവർത്തിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
മാലാഖമാർക്ക് അത്ഭുതവും വിശുദ്ധർക്ക് അഗ്രാഹ്യവുമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ദൈവത്തിന്റെ എല്ലാ രഹസ്യങ്ങളിലും വെച്ച് ഏറ്റവും ആഴമേറിയ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
എല്ലാ ദുരിതങ്ങളിലും നിന്ന് ഞങ്ങളെ സമുദ്ധരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

നമ്മുടെ സന്തോഷത്തിന്റെയും ആനന്ദത്തിന്റെയും ഉറവിടമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
ഇല്ലായ്മയിൽ നിന്ന് അസ്തിത്വത്തിലേക്കു ഞങ്ങളെ വിളിച്ച ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

ദൈവത്തിന്റെ കരവേല കളയെല്ലാം അതിശയിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
ദൈവത്തിന്റെ പ്രവൃത്തികളുടെയെല്ലാം മകുടമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

നാമെല്ലാവരും എപ്പോഴും മുഴുകിയിരിക്കുന്ന ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
വേദനിക്കുന്ന ഹൃദയങ്ങൾക്ക് മധുരാശ്വാസമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

നിരാശ നിറഞ്ഞ ആത്മാക്കളുടെ ഏക പ്രതീക്ഷയായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
ഭയത്തിന്റെ മധ്യത്തിൽ ഹൃദയാശ്വാസമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

വിശുദ്ധാത്മാക്കളുടെ ആനന്ദവും ഹർഷ പാരവശ്യവുമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു
എല്ലാ പ്രവർത്തികൾക്കും പ്രചോദനമേകുന്ന പ്രതീക്ഷയായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

രോഗികളുടെയും , സഹിക്കുന്നവരുടെയും ആരോഗ്യ പാത്രമായ ദൈവകാരുണ്യമേ!!
ഞങ്ങൾ അങ്ങയിൽ ശരണപ്പെടുന്നു
മരിക്കുന്നവരുടെ ആശ്വാസമായ ദൈവകാരുണ്യമേ!
ഞങ്ങൾ അങ്ങയിൽ ശരണപ്പെടുന്നു

കുരിശിൽ മരിച്ച് ഞങ്ങളുടെമേൽ വലിയ കരുണകാണിച്ച ദൈവത്തിന്റെ കുഞ്ഞാടേ,
കർത്താവേ ഞങ്ങളെ ദയാപൂർവ്വം ശ്രവിക്കണമേ..

എല്ലാ വിശുദ്ധ ബലികളിലും ഞങ്ങള്‍ക്കുവേണ്ടി കരുണാപൂർവ്വം സ്വയം സമര്‍പ്പിച്ചു കൊണ്ടിരിക്കുന ദൈവത്തിന്റെ കുഞ്ഞാടേ,
കർത്താവേ ഞങ്ങളെ ദയാപൂർവ്വം ശ്രവിക്കണമേ..

അളവില്ലാത്ത അങ്ങയുടെ കരുണയില്‍ ലോകപാപങ്ങളെല്ലാം നീക്കുന്ന ദൈവത്തിന്റെ കുഞ്ഞാടേ,
കർത്താവേ ഞങ്ങളെ ദയാപൂർവ്വം ശ്രവിക്കണമേ..

കർത്താവേ കനിയണമേ, മിശിഹായേ കനിയണമേ,
കർത്താവേ ഞങ്ങളുടെ മേൽ കരുണയുണ്ടാകണമേ,
കർത്താവിന്റെ എല്ലാ സൃഷ്ടികളിലും അവിടുത്തെ മൃദുവായ കരുണ പരന്നിരിക്കുന്നു.
കര്‍ത്താവിന്‍റെ കരുണയെ ഞാനെന്നും പാടിപ്പുകഴ്ത്തും.

സമാപന പ്രാർത്ഥന

നമുക്ക് പ്രാർത്ഥിക്കാം

ദൈവമേ അങ്ങയുടെ കരുണ അനന്തവും അങ്ങയുടെ ദയ വറ്റാത്തതുമാകുന്നുവല്ലോ. ദയാപൂര്‍വ്വം ഞങ്ങളെ കടാക്ഷിക്കണമേ. ഞങ്ങളുടെമേല്‍ അങ്ങയുടെ കരുണ വര്‍ദ്ധിപ്പിക്കണമേ. അങ്ങനെ ഞങ്ങളുടെ വലിയ പരീക്ഷകളില്‍ മനം മടുക്കാതെ, അങ്ങയുടെ തിരുമനസ്സുതന്നെയായ കാരുണ്യത്തിനു വിധേയരാകട്ടെ. കാരുണ്യത്തിന്‍റെ രാജാവും അങ്ങയോടും പരിശുദ്ധാത്മാവോടും കൂടെ വസിക്കുന്നവനുമായ ഞങ്ങളുടെ കര്‍ത്താവായ യേശു ഞങ്ങള്‍ക്കു കാരുണ്യം പകര്‍ന്നു തരട്ടെ. എപ്പോഴും എന്നേയ്ക്കും ആമ്മേന്‍.

കരുണയുടെ ജപം

കർത്താവായ ദൈവമേ, / ഞങ്ങളെ രക്ഷിക്കണമേ / അങ്ങേ മക്കളോട് / കരുണ കാണിക്കണമേ. / ഞങ്ങളും, ഞങ്ങളുടെ ജീവിത പങ്കാളിയും, മക്കളും / സഹോദരങ്ങളും, മാതാപിതാക്കളും / സഹപ്രവർത്തകരും , അധികാരികളും, സന്യസ്തരും, വൈദികരും / പൂർവികരും വഴി / വന്നു പോയ / പാപങ്ങളും അപരാധങ്ങളും / ക്ഷമിക്കണമേ / ഞങ്ങളെ ശിക്ഷിക്കരുതേ / ഞങ്ങളുടെ കടങ്ങൾ ഇളച്ചു തരണേ / ഞങ്ങളെ അങ്ങയുടെ സ്വന്തമായി സ്വീകരിച്ചു / അങ്ങയുടെ അരൂപിയിലൂടെ നയിക്കണമേ ആമേൻ

സമാപന ആശിർവാദം
-വൈദീകൻ ഉണ്ടെങ്കിൽ മാത്രം-

കാർമ്മി : ദൈവമേ , അങ്ങയുടെ കരുണയുടെ വക്താക്കളാകുവാൻ ഞങ്ങളെ അനുഗ്രഹിക്കണമേ. ദൈവകരുണ ഞങ്ങളിലേക്ക് കടന്നു വരുവാൻ തടസ്സമായി നിൽക്കുന്ന പാപങ്ങളെയും, സാഹചര്യങ്ങളെയും, തുടച്ചു മാറ്റണമേ. ഞങ്ങളുടെ മേലും, ഞങ്ങളുടെ കുടുംബങ്ങളുടെ മേലും, മാതാപിതാക്കളുടെ മേലും പൂർവ്വികരുടെ മേലും, സഹപ്രവർത്തകരുടെമേലും, അധികാരികളുടെമേലും, സന്യസ്തരുടെമേലും, വൈദികരുടെമേലും അങ്ങേ കരുണ ചൊരിയണമേ.

നമ്മുടെ കർത്താവായ ഈശോ മിശിഹായുടെ കൃപയും, പിതാവായ ദൈവത്തിന്റെ സ്നേഹവും, പരിശുദ്ധാത്മാവിൻറെ സഹവാസവും നമ്മോടൊത്തുണ്ടായിരിക്കട്ടെ. ഇപ്പോഴും എപ്പോഴും എന്നേയ്ക്കും,

സമൂ : ആമ്മേൻ.